Flautuleikur í Víkingaheimum

Laugardaginn 19. Nóvember kl. 14.45 verða haldnir skemmtilegir tónleikar í Víkingaheimum.  Þrír flautuleikarar munu leika tónlist frá 17. og 18. öld ásamt þjóðlögum frá ýmsum Evrópulöndum.

Forsprakkinn í hópnum er Katharina Koch – Boehmert tónlistarkennari sem flutti  til landsins frá Þýskalandi fyrir þremur árum og  leikur hún á tenór- og bassa blokkflautur.  Níu ára sonur hennar Florian Böhmert leikur á sópran- og alt blokkflautur ásamt trommum, þauð mæðgin búa í Njarðvík. Þriðji flautuleikarinn í hópnum er Helga Aðalheiður Jónsdóttir kennari við Tónlistarskóla Reykjanesbæjar og leikur hún á sópran-, tenór- og bassa blokkflautur.  Hljómurinn í Víkingaheimum er einstakur þannig að þetta verða örugglega mjög áhugaverðir tónleikar.

Aðgangseyrir inn í Víkingaheima  er kr. 1.000 fyrir fullorðna en ókeypis fyrir börn og eru áhugasamir því  hvattir til að nota tækifærið og skoða sýningarnar ásamt því að njóta tónleikanna.