Velkomin á Heimasíðu Víkingaheima í Reykjanesbæ
| Víkingaheimar er safn í Reykjanesbæ sem tekur á nýstárlegan hátt fyrir þátt Íslands í landafundum Norður-Ameríku. Þar má finna víkingaskipið Íslending sem sigldi til Ameríku sumarið 2000, og sýningu sem Smithsoninan stofnunin í Bandaríkjunum gaf til Víkingaheima. Hún gefur gestum einstakt tækifæri til að læra um sögu og lifnaðarhætti víkinga við Norður-Atlantshafið fyrir þúsund árum. | Hús Víkingaheima var hannað af hinum margverðlaunaða arkitekt Guðmundi Jónssyni. Nútímaleg hönnun þess undirstrikar fegurð víkingaskipsins Íslendings. Gestir geta notið stórbrotins útsýnis yfir Faxaflóa úr safninu og léttra veitinga úr kaffihúsinu í leiðinni. Gjafavara, ráðstefnu- og móttökusalir fyrir öll tækifæri og útisvæði fyrir Víkingahátíðir eru einnig til staðar. | |
|
|
||
|
|
||
Erlendir nemendahópar í Víkingaheimum
|
||
|
Í haust hafa lagt leið sína í Víkingaheima erlendir nemendahópar sem hér eru staddir í jarðfræðinámsferðum á vegum skólanna sinna. Nýr áfangastaður á leið þeirra um landið eru Víkingaheimar þar sem nemendurnir, sem eru á aldrinum 13-18 ára, fræðast m.a. um ferðir víkinga, norræna goðafræði og fornleifauppgröft. Nemendurnir glíma við sérstök skólaverkefni sem útbúin hafa verið í tilefni þessara heimsókna og yfirgefa Víkingaheima því nokkuð upplýstari um norræna arfleið en þegar þeir komu. Vonir standa til að framhald verði á þessum heimsóknum næsta vetur en undanfarin ár hafa um 2.000 erlendir nemendur sótt landið heim í fyrrgreindum tilgangi. |
Samhliða þessu er nú unnið að nemendaverkefnum fyrir íslensk skólabörn sem brátt verða tekin í gagnið og verða kynnt skólunum þegar þau verða tilbúin. Í þessu samhengi er vert að geta þess að skólahópar hafa ókeypis aðgang að safninu og þar eru nú 5 sýningar í gangi; Víkingaskipið Íslendingur, Víkingar Norður-Atlantshafsins – sýning um siglingar og landnám norrænna manna, Örlög guðanna – hljóðleiðsögn um norræna goðafræði, Landnám á Íslandi – merkar fornleifar á Suðurnesjum og Söguslóðir á Íslandi. |
|
Póstlisti Víkingaheima
Skráðu þig á póstlistann okkar til að fá nýjustu fréttir og tilkynningar frá okkur
Tengdir aðilar í ferðaþjónustu á Suðurnesjum